મુખ્ય ધ્યેય પ્રાપ્ત કરવાના માર્ગે માત્ર નિષ્ફળતા જ નહીં, ઘણી વખત નાની નાની સફળતા પણ આવતી હોય છે. :

મુખ્ય ધ્યેય પ્રાપ્ત કરવાના માર્ગે માત્ર નિષ્ફળતા જ નહીં, ઘણી વખત નાની નાની સફળતા પણ આવતી હોય છે. :
===========================================


એક પર્વત હતો. એ પર્વતની ટોચ ઉપર ખજાનો હતો. બે મિત્રો હતા. તેમણે નક્કી કર્યું કે આપણે પર્વતની ટોચ પર જઈને ખજાનો મેળવી લઈએ. બંને મિત્રો ખજાનાની શોધમાં પર્વત ઉપર ચડવા લાગ્યા. બંને મિત્રોએ નક્કી કર્યું કે આપણે અલગ અલગ રસ્તે જઈએ. બંને પોતાના માર્ગ ઉપર આગળ વધ્યા. થોડા આગળ ગયા તો જોયું કે માર્ગ પર ચાંદીના સિક્કા પડયા છે. એક મિત્ર તે એકઠા કરવા લાગ્યો. થેલો ભરી પોતાની સાથે લઈ લીધા. થોડો આગળ ગયો તો સોનામહોર પડી હતી. વળી તેણે ભેગી કરી કોથળો ભર્યો અને ખભે નાખ્યો. ખભા પર વજન વધી ગયું હતું. વળી થોડો આગળ વધ્યો તો હીરા વેરાયેલા પડયા હતા. તે હીરા પણ વીણવા લાગ્યો. કોથળો ભર્યો અને ખભે નાખ્યો. વજન એટલું બધું વધી ગયું કે તે આગળ ચાલી ન શક્યો અને માર્ગ પર જ ફસડાઈ પડયો.

બીજો મિત્ર એના માર્ગે ખજાના તરફ આગળ વધતો જતો હતો. આગળ ગયો ત્યાં ચાંદીના સિક્કા પડયા હતા. તેને ભેગા કરવાનું મન થઈ ગયું. જોકે તેને વિચાર આવ્યો કે હું ચાંદીના સિક્કા માટે અહીં નથી આવ્યો. એ આગળ વધ્યો. થોડે દૂર સોનાના સિક્કા અને પછી હીરા વેરાયેલા પડયા હતા. ના, હું આના માટે નથી આવ્યો. એવો દૃઢ વિશ્વાસ કરી એ આગળ વધ્યો. બધું છોડીને એ સીધો ખજાના સુધી પહોંચી ગયો.

મોરલ ઓફ ધ સ્ટોરી :
============

આવું જ સુખ અને સફળતાનું છે. મોટી સફળતા માટે નાની નાની સફળતાને પણ કુરબાન કરવી પડે છે. મુખ્ય ધ્યેય પ્રાપ્ત કરવાના માર્ગે માત્ર નિષ્ફળતા જ નહીં, ઘણી વખત નાની નાની સફળતા પણ આવતી હોય છે. તેને પણ નજર અંદાજ કરવી પડે છે. મારે આ જ કરવું છે અને તેના સિવાય કંઈ જ નથી કરવું.

એક યુવાન હતો. તે આઈએએસની તૈયારી કરતો હતો. વચ્ચે વચ્ચે બીજી કોમ્પિટિટિવ એકઝામ પણ આપતો રહેતો હતો. એક વખત તે બેન્કની એક્ઝામમાં સિલેક્ટ થઈ ગયો અને તેણે બેન્કની જોબ સ્વીકારી લીધી. સાથોસાથ એવો વિચાર કર્યો કે આઈએએસની તૈયારી પણ કરતો રહીશ. જોકે બેન્કના કામમાં એવો ઉલઝી ગયો કે પછી ક્યારેય આઈએએસની તૈયારી જ ન કરી શક્યો. તમે નજર કરજો તમારી આસપાસમાં પણ આવાં ઘણાં ઉદાહરણો મળી આવશે.

રૂપિયા કમાઓ ઘરે બેઠાબેઠા

મારા પ્રિય મિત્રો
તમોને જણાવતા આનંદ થાય છે કે ફ્રિ SMS ની એક નવી વેબસાઈટ મારી નજરમાં આવી છે.
http://ultoo.in/login.php?refererCode=694532E&flag=hide
આ વેબસાઈટનો મુખ્ય ફાયદો એ જ કે તમે જેવા જોઈન્ટ થશો કે તરત તમને રૂપિયા ૨ આપવામાં આવશે. અને પછી તમે એક SMS આ વેબસાઈટ પરથી સેન્ડ કરો તો તમારા વોલેટ (પાકિટ અથવા ખાતા)માં 2 પૈસા જમા થાય.' 
એટલે કે તમે 50 SMS સેન્ડ કરો તો તમારા વૉલેટમાં 1 રૂપીયો જમા થાય.

આમ ઓછામાં ઓછા 10 રૂપીયા તમારા વૉલેટમાં જમા થાતા તમે ફ્રિ રીચાર્જ કરી શકો છો.
છે ને મજેદાર ?
તો જલ્દી જોડાવ બાપુ….

ભુલો કાઢવી ખુબ આસાન છે

એક ખુબ પ્રખ્યાત ચિત્રકાર હતો. એને પોતાની કળા પર ખુબ જ ગર્વ હતો. એણે એક દિવસ ખુબજ સુંદર અને અદભુત ચિત્ર બનાવ્યુ. એણે એ ચિત્ર પોતાના નગરની વચ્ચોવચ મુક્યુ અને સાથે સાથે એક લખાણ પણ મુક્યુ, લખાણમાં લખ્યુ કે "આ ચિત્રમાં જેને પણ જરા અમથી પણ ભુલ લાગે એ જગ્યાએ નિશાન કરી દેવુ."

સાંજે જ્યારે એ પોતાનું ચિત્ર જોવા આવ્યો તો તેણે પોતાના ચિત્રને નિશાનોથી ભરેલી જોઇ. આ જોઇ એનું હ્રદય ભરાઇ આવ્યું પોતાની કલાનું આવુ અપમાન એ સહન ના કરી શક્યો તેથી એણે આત્મહત્યા કરવાનો નિર્ણય લીધો.

આત્મહત્યા કરવા જતા રસ્તામાં તેને એક મિત્ર મળ્યો. મિત્રએ પુછ્યુ, "એ દોસ્ત, કેમ આટલો દુઃખી છો ? જે પણ હોય મને જણાવ મારથી બનતી કોશીશ કરીશ" આ સાંભળ્યા પછી ચિત્રકારે પોતાની આપવિતી સંભળાવી. આ સાંભળી તેના મિત્રએ કહ્યુ, "બસ ... ! આમ આટલી નાની અમથી વાતમાં આત્મહત્યા ના કરાય. જો સાંભળ, હવે હું કહુ એમ કરજે. તેને કિધુ કે હવે બીજુ સુંદર પણ સહેજ ભુ

લોથી ભરેલું ચિત્ર બનાવ અને તેની સાથે લખાણમાં મેં કહ્યુ એમ લખજે" પછી ચિત્રકારે વિચાર્યુ ચાલને તેના વિચાર પ્રમાણે કરી જોઉં

બિજા દિવસે એ ચિત્રકારે એક સુંદર પણ સહેજ ભુલ ભરેલ ચિત્ર બનાવ્યુ અને સાથે એક લખાણ પણ મુક્યું. લખાણમાં તેના દોસ્તના કહ્યા પ્રમાણે લખ્યુ કે "જેને પણ આ ચિત્રમાં ભુલ દેખાય તો તેને તરત જ જાતે સુધારી લેવી"

પછી ચિત્રકારે સાંજે જઇને જોયુ તો .. આશ્ચર્ય...!! આખુ ચિત્ર એમ ને એમ જ. કોઇજ નિશાન ના મળ્યુ જેવી મુકી હતી તેવીને તેવી જ હતી...!!!

Moral (સારાંષ) :-

લોકોની ભુલો કાઢવી ખુબ આસાન છે પણ એને સુધારવી ખુબજ અઘરી છે. જેની ભુલ તમે સુધારી શક્તા ના હોય એ ભુલ કદી કાઢવી જ નઇ

પ્રેમ મહાન પ્રેમ- short story

ઘણા વખત પહેલાની વાત છે. એક અતિ સુંદર ટાપુ પર બધી લાગણીઓ અને ગુણો સરસ મજાના ઘર બનાવીને રહેતા હતા. સુંદરતા, આનંદ , ઉદાસીનતા વગેરે એકબીજાની બાજુ-બાજુ મા રહેતા હતા. એ બધાથી દૂર સાવ છેવાડાના ઘરમા પ્રેમ રહેતો હતો.

એક દિવસ સવારે એક પરીએ આવીને બધા ટાપુવાસીઓને કહ્યુ કે તે દિવસે સાંજ સુધીમા ટાપુ ડૂબી જશે. બધીજ લાગણીઓને ગુણો એ પોતપોતાની હોડીઓ લઈને ટાપુ પરથી પ્રયાણ શરૂ કરી દીધુ. ફક્ત પ્રેમ શાંતિથી આંટા મારતો હતો. બધાને નવાઈ લાગી પણ સૌ પોતપોતાને રીતે ભાગવાની પેરવીમા હતા ત્યારે અત્યારે કોઈ પ્રેમની પંચાત કરવા ક્યા બેસે ? હકીકતમા પ્રેમને આ ટાપુ પર ખૂબ જ વ્હાલ હતુ. એ છેલ્લી ક્ષણ સુધી ટાપુની જોડે રહેવા માગતો હતો.

જેમજેમ સાંજ પડવા લાગી તેમતેમ ધીમે ધીમે ટાપુ પાણીમાં ડુબવા લાગ્યો. પ્રેમે ટાપુને ખૂબ વ્હાલ કર્યુ. એણે જમીનના કણક્ણને વ્હાલથી નવડાવી દીધા. આખો ટાપુ પ્રેમ પ્રેમ થઈ ગયો. પણ હવે ટાપુ પર પાણી વધવા લાગ્યુ. પાણી ઘૂટણ સુધી આવવા લાગ્યા એટલે પ્રેમને થયુ હવે ટાપુ છોડ્વાનો સમય થઈ ગયો છે. પણ પ્રેમ પાસે તો હોડી પણ નહોતી. મદદ માટે બૂમ કોને પાડવી ? બસ, તે જ વખતે ત્યાથી સમૃધ્ધિની હોડી નીકળી. પ્રેમે પૂછ્યુ કે,"બહેન ! તુ મને તારી હોડીમા લઈ જઈશ ? નહિતર હુ હમણા જ ડૂબી જઈશ" સમૃધ્ધિએ પોતાની હોડીમા એક નજર નાખીને કહ્યુ, " માફ કરજે પ્રેમ ! મારી આખી હોડી સોના, ચાંદી તેમજ હીરાથી ભરેલી છે. એમા તારા માટે ક્યાય જગ્યા નથી!" આટલુ કહી એ ચાલી નીકળી.

એની પાછળ હોડી લઈ આવતી સુંદરતાને હાથ હલાવીને પ્રેમે જોરથી બૂમ પાડી કહ્યુ," હે સુંદરતા! તુ મને તારી હોડીમા લઈ જઈશ ?" પોતાની જાત પર ને હોડી પર મગરુર સુંદરતાએ કહ્યુ ,"માફ કરજે પ્રેમ પણ તુ એટ્લો ભીનો છે કે મારી આ સુંદર હોડીને તુ બગાડી નાખીશ.મને મારી જાતને કે હોડીને ભીની કરવામા જરા પણ રસ નથી " એમ કહી સુંદરતા પણ ચાલી ગઈ.

પાણી હવે કેડ સમાણુ થઈ ગયેલુ. ત્યાજ પ્રેમે ઉદાસીનતાને જતા જોઈ. પ્રેમે એને પણ કહ્યુ કે " મને તારી સાથે લઈ લે. મને બચાવી લે.." પણ ઉદાસી જડ્સુ હતી. એણે કીધુ," માફ કરી દે પ્રેમ! પણ હુ એટલી બધી ઉદાસ છુ કે તુ મને એકલી જ રહેવા દે." એ પણ ત્યાથી જતી રહી. ત્યાથી પસાર થઈ રહેલ આનંદતો નાચ-ગાનમા એટલો તો મશગુલ હતો કે એણે તો પ્રેમ ને જોયો પણ નહી ને એનો અવાજ પણ સાંભળ્યો નહી.

પાણી હવે ગળા સુધી આવી ગયુ હતુ. પોતે હવે સદાને માટે ડૂબી જશે એવો પ્રેમને ધ્રાસ્કો પડ્યો. એ જોર થી રડવા લાગ્યો. ત્યાં જ એક ખૂબ પ્રેમાળ અવાજ આવ્યો ,"પ્રેમ! રડ નહી. ચાલ હુ તને મારી હોડીમા લઈ જઈશ." પ્રેમે પાછળ વળી જોયુ તો એક વૃધ્ધ માણસ પાછળ હોડી લઈને ઉભો હતો એણે પ્રેમનો હાથ પકડીને પોતાની હોડી પર લઈ લીધો. પ્રેમ લગભગ ડૂબવાની તૈયારીમા જ હતો.

અચાનક ઉગરી જવાથી પ્રેમ થોડીવાર તો હતપ્રભ થઈ ગયો. એ કંઈ બોલી ના શક્યો. પેલા વૃધ્ધે તેને કિનારે ઉતારીને ચાલવા લગ્યો તોન પણ તે કઈ બોલી ના શક્યો. બસ મૂંગા મૂંગા એ વૃધ્ધનો આભાર માન્યો. અચાનક પ્રેમને યાદ આવ્યુ કે ડૂબી જવાની બીકમા ને બચી જવાની ખુશીમા પોતે પેલા વૃધ્ધનુ નામ પૂછવાનુ તો ભૂલી જ ગયો. તે આટલો નાનકડો શિષ્ટાચાર પણ દાખવી ના શક્યો એનો એને પારાવાર અફસોસ થવા લાગ્યો. તે દોડતો જ્ઞાનના ઘરે ગયો. ને એને બધી વાત કરી. જ્ઞાને પોતાની આંખો બંધ કરી. થોડીવારે આંખ ખોલીને જ્ઞાને કહ્યુ "તને બચાવનાર સમય હતો ! "

પ્રેમે નવાઈ પામતા પૂછ્યુ, " હેં જ્ઞાન ! જ્યારે કોઈ કરતા કોઈ મને મદદ કરવા તૈયાર નહોતુ ત્યારે ફક્ત સમયે જ મને કેમ મદદ કરી ?"

જ્ઞાને ગંભીરતાપૂર્વક અને સદીઓના અનુભવના નિચોડ જેવો જવાબ આપ્યો, " કારણ કે ફક્ત સમય જ જાણે છે, સમજે છે અને સમજાવી શકે છે કે પ્રેમ કેટ્લો મહાન છે અને એનુ મહત્વ શુ છે ! "

ઉમર અનુસાર છોકરાઓનો પ્રેમ

મિત્રો મારા એક ફ્રેન્ડે મને
ઈમેલથી પ્રેમ વિષે એક સરસ
મજાની પોસ્ટ મોકલાવી છે. મને...
તો એ ખુબજ ગમી, એટલે થયું કે
તમારી જોડે પણ શેર કરું.
♥ઉમર અનુસાર છોકરાઓનો પ્રેમ અને
તે પ્રેમ પરની છોકરીઓની નાજુક
ભાવના♥ :-
૭ વર્ષની છોકરી : પ્રેમ એટલે હું રોજ
એના દફતરમાંથી છુપીને ચોકલેટ
કાઢી લઉં છું, છતાય એ રોજ
દફતરના તેજ ખાનામાં ચોકલેટ રાખે
છે. ♥
૧૨ વર્ષની છોકરી : પ્રેમ એટલે લેસન
કરતી વખતે, પેન્સિલ આપતી વેળા તેને
મારા હાથના ટેરવાઓને કરલો સ્પર્શ.
♥
૧૫ વર્ષની છોકરી : પ્રેમ એટલે એક
દિવસ હંમે બંનેએ મળીને
સ્કુલમાં ના જવાનો નિર્ણય
લીધો હતો. પણ જયારે પકડાઈ
ગયા ત્યારે બધો ગુનો પોતાના માથે
લઈને એણે એકલાએ ભોગવેલી સજા. ♥
૧૮ વર્ષની છોકરી : પ્રેમ એટલે
સ્કુલના સેન્ડ-ઓફ કાર્યક્રમમાં એને
જોરથી કરેલી જપી અને ખારા આંસુઓ
પીતા પીતા ફરી પાછા મળવાની કરેલી મીઠી અપેક્ષા.
♥
૨૧ વર્ષની છોકરી : પ્રેમ એટલે
મારી કોલેજની પીકનીક જ્યાં ગઈ
હતી એ જગ્યાએ
પોતાની કોલેજમાંથી ગુટલી મારીને
મને આપેલી સપ્રાઈઝ ભેટ. ♥
૨૬ વર્ષની છોકરી : પ્રેમ એટલે
ગોઠણ પર બેસીને હાથમાં ગુલાબનું ફૂલ
લઈને તેને લગ્ન માટે કરેલો પ્રસ્તાવ.
♥
૩૫ વર્ષની સ્ત્રી : પ્રેમ એટલે હું બહુ
થાકી ગઈ છું, એ જોઇને તેને પેલી વાર
કરેલી રસોઈ. ♥
૫૦ વર્ષની સ્ત્રી : પ્રેમ એટલે
બીમારીને લીધે બહુ
દિવસથી બેડમાં હોવા છતાં, મને
હસાવવા માટે કરેલો વિનોદ. ♥
૬૦ વર્ષ ની સ્ત્રી : પ્રેમ એટલે તેને
છેલ્લો શ્વાસ લેતી વખતે,
આવતા જનમમાં ચોક્કસ પાછા મળવાનું
દીધેલ વચન. ♥

Great line must read this...!!

Great line must read this...!!
એક વાર એક ગરીબ છોકરો એક અમીર છોકરીને પ્રેમ
કરતો હતો.
એકવાર છોકરાએ પ્રપોઝ કર્યું.
છોકરી : અરે સંભાળ! તારી એક
મહિનાની સેલરી જેટલો તો મારો એક દિવસનો ખર્ચો છે.
શું હું તારી સાથે પ્રેમ કરું ક્યારેય? કદી નહિ!
તું આવું વિચારી પણ કેવી રીતે શકે. મને ભૂલીજા અને
તારા લેવલની કોઈને પકડી લે.
પરંતુ છોકરાને સાચા દિલથી પ્રેમહતો એટલે તે તેણીને
ભૂલીન શક્યો.
દસ વર્ષ પછી.
=========
એક શોપિંગમોલમાં બંને સાથે મળી ગયા.
છોકરી : અરે તું? કેમ છે તને? મારા તો લગ્ન થા ગયા છે
મારો પતિતો બહુ જ પૈસાદાર છે,
મહિનાનો ૨ લાખનો પગારદાર છે, અનેતે સ્માર્ટ પણ
તેટલો જ છે.
આ શબ્દો સંભાળીને પેલા છોકરાની આંખમાં આસું આવી ગયા.
થોડી ક્ષણો બાદ પેલી છોકરીનો પતિ આવ્યો, અને
પેલા છોકરાને જોઈને બોલ્યો, “ અરે સર! તમે અહિયા! આ
મારી પત્ની છે.
પછી તે તેણીની પત્નીને કહેવા લાગ્યો, “ હું આ
સરના પ્રોજેક્ટ પર જ કામ કરું છું. જે ૨૦૦ કરોડનો છે.
તું સર વિષે એક વાત જાણે છે? સર એક
છોકરીના પ્રેમમાં હતા.
પરંતુ પેલી છોકરીએ સરને બીજા સાથે લગ્ન કરી લીધા.
પણ સરની કેટલી મહાનતા કેવાય કે તેણે હજુ સુધીલગ્ન
નથી કર્યા.
:(
પેલી છોકરીના ભાગ્ય જ ફૂટલાં હશે!
નહિ તો આ જમાનામાં આવો સાચો પ્રેમ કોણ કરે છે 

બહુ પ્રખ્યાત કહેવત છે

 

બહુ પ્રખ્યાત કહેવત છે કે જો માલિકે ગધેડા જોડેથી જોરદાર કામ કરાવવું હોય તો ફોટા પ્રમાણે ગાજર આગળ રાખવાનું, ગધેડો ગાજરની લાલચે દોડતો રહેશે અને તમારું કામ મફતમાં થતું રહેશે....!!

મારા એક મિત્ર સખત હાર્ડ વર્કિંગ. જે કામ એમને ગમતું હોય એ બહુ જોરદાર રસથી કરે, પોતાનું ૧૦૦% આપવામાં માનનારા..!
એમને એક જગ્યાથી રેડીઓમાં કામ કરવા માટે ઓફર મળી, જેમાં એમને પહેલા એવું કહેવામાં આવ્યું કે તમે ૧ મહિનો અમારી જોડે ઇન્ટર્ન(મફતનો ગધેડો) તરીકે કામ કરો અમે તમારું પર્ફોમન્સ જોઈને તમને આગળ જતા રેડીઓમાં કામ આપીશું..!

રેડીઓમાં કામ કરવા મળશે એ સંભાળીને ગાંડા થયેલા મિત્ર જોરોશોરથી કામ કરવા લાગ્યા. ૧ મહિનો બરાબર કામ કર્યું(માઈન્ડ વેલ એ કામ મફતમાં કર્યું) છેવટે ૧ મહિનો ખતમ થયો અને ભાઈ રેડીઓ તરફથી કોઈ સારા પ્રતિભાવની આશા રાખી રહ્યા હતા.
રેડીઓ વાળાએ એમને કહ્યું કે તમે કામ તો સરસ કર્યું છે પણ અત્યારે અમારી જોડે કોઈ વેકેન્સી નથી. તમારે વધારે મહિના અહી કામ કરવું પડશે એઝ ઇન્ટર્ન. પછી જો કોઈ વેકેન્સી હશે તો તમને જોબ આપીશું..!!

અમારા મિત્ર તો જોબ મળશે એવી આશાએ પાછા જોડાઈ ગયા. જેટલું કામ ૧ મહિનામાં કર્યું હતું એના કરતા ૧૦ ગણું કામ કરીને ઈમ્પ્રેસ કરવાનો અને પોતાની જાતને પ્રુવ કરવાનો પુરતો પ્રયાસ કર્યો. પણ કોઇજ રીઝલ્ટ નાં આવ્યું. છેવટે કંટાળીને પૂછ્યું કે "તમે લોકો મને કોઈ જોબ આપવાના છો કે નહિ?"
સીધું "ના" તો બોલે નહિ એટલે પાછો એ જ જવાબ આપ્યો "તમે અહી કામ કરો ઇન્ટર્ન તરીકે અને શીખો , જેવી વેકેન્સી મળશે એટલે તમને જોબ આપીશું"

કંટાળીને ભાઈએ જોબ છોડી.(અહી જોબને ગદ્ધામજુરી સમજવી)
આટલા સમયમાં સારા એવા કોન્ટેક્ટ બનાવી લીધા હતા મારા મિત્રે. લગભગ ૧૦ દિવસમાં રેડિઓની જ જોબ મળી ગઈ એ પણ સારા પેકેજ સાથે. ખુશીખુશી એ જોબ ચાલી રહી છે...!! :-)

જીવનમાં તક દરેકને મળે છે પણ એ "તક" શબ્દ દેખાડીને તમારી પાસે કામ કરવના અને મફતમાં યુઝ કરનાર આ દુનિયામાં લાખો છે..!
જીવનમાં મફતમાં કામ કઢાવનાર લોકો દરેક જગ્યાએ જોવા મળશે. જેમાં એમનો ફાયદો તો અચૂક હશે પણ આપણને ફાયદો મળશે એવા પ્રલોભનો આપીને આપણી પાસેથી કામ કરાવતા રહેશે. અને છેવટે આપણને એક જ અનુભવ થાય છે કે "આપણે મફતમાં કામ કરી આવ્યા, આપણો ઉપયોગ થઇ ગયો પણ સામે કંઇજ ના મળ્યું"
હમેશા આવા પ્રલોભનોથી બચીને રહેવું..,
કારણકે આવા પ્રલોભનો પહેકી દ્રષ્ટિએ તો સોનાના લાગે છે પણ પછી જો એ સોનાના ચણા લોઢામાં પરિવર્તિત થાય તો આપણા જ દાંત દુખે છે. અમુક ફાયદાની લાલચે કેમ આપણે પોતાને "યુઝ" થવા દઈએ?

પોતાની જાત ઉપર થોડો વિશ્વાસ રાખીને આગળ વધો અને મૂર્ખામીભર્યા પગલા ના ભરો તો દુનિયા તમને "પગલો" કહેવાનું ભૂલી જશે. જેટલું શીખવાનું છે એ શીખીને પોતાની એક આઈડેન્ટિટી બનાવો. મફતમાં કામ કરીને આંધળા ના બનો.
બી સ્માર્ટ & હેવ સમ સેલ્ફ રીસ્પેક્ટ :) via માનવની નજરે.

દોસ્તો અહી રજુ કરેલી પોસ્ટ તમને પસંદ આવેતો અન્ય મિત્રો સાથ પણ શેર કરજો.
(click Share) જેથી તેવો પણ આનો લાભ લઇ શકે...! ♥ 

દેશી એન્જીનીયર

દેશી એન્જીનીયર
એક વાર એક ગામમાં એક માણસ આવ્યો.
તેણે ગામવાસીઓને કહ્યું કે તેને વાંદરાઓ
પકડવા છે. પ્રત્યેક વાંદરા પાછળ તે
ગામવાસીઓને ૧૦ રૂપિયા આપશે.
ગામવાળા તો ખુશ થઇ ગયા અને
નજીકના જંગલમાં જઈને વાંદરાઓ
પકડવા લાગ્યા.
વાંદરા પકડવા માટે
ગામવાળાઓમાં તો જાણે સ્પર્ધાજ
જામી ગયી. દરેક જણ વાંદરાઓ
પકડતા અને તે માણસ દરેક
વાંદરા પાછળ ૧૦ રૂપિયા આપતો.
અમુક દિવસ પછી ગામવાસીઓને
ઓછા વાંદરા મળવા લાગ્યા ત્યારે
પેલા માણસે ગામવાસીઓને કીધુ કે હવે
તે એકવાંદરા પાછળ વીસ
રૂપિયા આપશે.ગામવાસીઓ
બાજુના જંગલમાંથી વાંદરાઓ
લાવ્યા અને પ્રત્યેકવાંદરા પાછળ
વીસ રૂપિયા વસુલ કર્યા.
થોડા દિવસ પછી તે માણસે"પ્રત્યેક
વાંદરા પાછળ ત્રીસરૂપિયા આપીશ"
એમ કહ્યું અને બહુ
ઓછા વાંદરા ખરીદયા કારણ કે
ગામવાસીઓને વાંદરા મળતાજ
નહોતા.
હવે હું વાંદરા પચાસ
રૂપિયામાં ખરીદીશ એમ કહીને
પેલો માણસ વાટ જોવા લાગ્યો.
ગામવાસીઓ તેને
વાંદરા આપી શક્યા નહિ ત્યારે તેને
કહ્યું કે, "હું થોડા દિવસ માટે
નજીકના શહેરમાં જઈને આવું છું,
ત્યાં સુધી જો તમને વાંદરાઓ મળે
તો મારા મદદનીશ પાસે
જમા કરજો અને તેની પાસેથી પૈસા લઇ
લેજો...
તે માણસ
શહેરમાં ગયા પછી તેનામદદનીશે
ગામવાસીઓને કહ્યું કે જો તમને
વાંદરાઓ મળતા ના હોય તો હું જે
વાંદરાઓ જમા થયા છે, તે તમને ૩૫
રૂપિયામાં આપીશ, અને પછી મારો શેઠ
શહેરથી આવ્યા પછી તે જ વાંદરાતમે
૫૦ રૂપિયામાં તેને વેચી શકો છો.
એટલે તમને એક વાંદરા પાછળ ૧૫
રૂપિયાનો ફાયદો થશે.
ગામવાસીઓને આ યોજના ગમી ગયી અને
તેઓએ શકય હોય ત્યાંથી પૈસા ઉધાર
લઇને પણ ૩૫
રૂપિયામાં વાંદરા ખરીદવા લાગ્યા.
બધા વાંદરા વેચીને પેલો મદદનીશ
શહેરમાં ગયો. એનાપછી ગામવાસીઓને
પેલો માણસ દેખાયો નહિ અને
એનો મદદનીશ પણ.
પણ પુરા ગામમાં ફક્ત વાંદરાઓ
દેખાવા લાગ્યા.
આવી રીતે ચાલે છે શેર બજાર!!:-P
મિત્રો, કેવો લાગ્યો તમને આ
કટાક્ષમય રમુજી બનાવ?
તમારો અભિપ્રાય અમને
કોમેન્ટમાં ચોક્કસ જણાવજો. 

GOD IS NOWHERE,

એક સંપુર્ણ વ્યકિત હતો, તેણે ઘરની ભીંત પર મોટા અક્ષરે લખેલુ ..GOD IS NOWHERE, સમય જતાં તેના લગ્ન થયાં, બાળક પણ થયું, બાળક મોટું થયું અને તે લખતાં વાંચતાં શીક્યું, તે જ્યારે પિતા સાથે બહાર જાય ત્યારે રસ્તામાં લગાડેલા સાઇનબોર્ડ વાંચે અને એક અક્ષર વાંચી પિતાને સંભળાવે, વખત જતાં તેને અક્ષરજ્ઞાન થયું, એક દિવસ ઘરમાં જ લખેલું તેણે વાંચ્યું અને પિતાને કહેવા દોડી આવ્યો કે, જુઓ મેં આખું વાક્ય વાંચ્યું_GOD IS NOW HERE, આ સાંભળીને પેલો નાસ્તિક ચોંકી ઊઠ્યો, તેને બાળકના ઉચ્ચારણમાં નવો જ ધ્વનિ સંભળાયો, એક અર્થ બદલાઇ ગયો, પેલા માણસના મનમાં નવો જ તણખો મુકાયો, તે તુરંત જ ઈશ્વરમાં માનતો થઈ ગયો, આ જોઈ તેના સ્વભાવને ઓળખનારા પૂછવા લાગ્યા કે, તારા ગુરુ કોણ છે કે જેણે તને નાસ્તિકમાંથી આસ્તિક બનાવી દીધો, પિતાએ તુરંત બાળક સામે આંગળી ચીંધી જવાબ આપ્યો કે, "ચાઈલ્ડ ઈઝ ધી ફાધર ઓફ ધી મેન, " અંગ્રેજીમાં કહેવત છે if the disciple is ready, the mas-ter is at hand, શિષ્ય શીખવા તૈયાર હોય તો ગુરુ હાજરાહજુર છે, તેને શોધવા જવાની જરૂર નથી.. 

હવે રેલવે દ્રારા જ મોબાઈલ અને વેબસાઇટ પર મળશે રિઝર્વેશન ટિકિટો

બુધવાર, 06 જુલાઈ 2011 04:00 

બુધવાર, 06 જુલાઈ 2011 04:00

થોડાક દિવસો પહેલાં જ રેલવે દ્રારા સત્તાકીય જાહેરાત કરવામાં આવી હતી કે, રેલવે વિભાગ દ્વારા મોબાઈલથી રેલવે રિઝર્વેશનની સેવા શરૂ કરાશે. આમ થતાં મુસાફરોને કાઉન્ટર પાસે લાંબી લાઈનો લગાવીને ઉભા રહેવું નહીં પડે. ઇ-ટિકિટના સફળ પ્રયોગ બાદ હલે રેલવે વિભાગે મોબાઈલથી ટિકિટ બુક કરવાની સિસ્ટમ ડેવલપ કરી છે. આ સેવાથી રીઝર્વેશનની સાથે સાદી ટિકિટ પણ બુક કરી શકાશે અને પબ્લિકને લાંબી લાઈનોમાં ઉભા રહેવાની જહેમતમાંથી છુટકારો મળશે. આ જાહેરાત બાદ આજે રેલવે ફરી એક જાહેરાત કરી છે કે તેઓ હવે પોતાની ઇ-ટિકિટ સેવા શરૂ કરવા જઇ રહી છે, જેમાં ટ્રાવેલ એજંટોને કોઇ જગ્યા આપવામાં નહી આવે અને આ ફક્ત વ્યક્તિગત ઉપયોગ કરનારા લોક માટે અનામત રહેશે. ભારતીય રેલવે દ્વારા નવી ઈ-ટિકિટિંગ સેવા શરૂ કરવામાં આવનારી છે. જેમાં ટ્રાવેલ એજન્ટો બુકિંગ નહીં કરી શકે તથા આ ટિકિટોને માત્ર સામાન્ય લોકો જ બુક કરી શકશે. આમ ભારતીય રેલવે પરનું ટિકિટ બુકિંગ વર્તમાન આઈઆરટીસીના રેલવે બુકિંગ કરતા અલગ હશે. મોબાઈલ ફોનથી રેલવે ટિકિટ મેળવવા એક સોફ્ટવેર ડેવલપ થયું છે. હાલ કેગની પરવાનગી મળવાની રાહ જોવાઈ રહી છે. આ સુવિધા માટે રેલવે વિભાગ અને દેશની મુખ્ય રાષ્ટ્રકૃત બેંકો વચ્ચે કરાર થઈ ચૂક્યા છે. રેલવે વિભાગના સૂત્રના કહેવા પ્રમાણે, ભારતીય રેલવેની વેબસાઈટ પરથી શરૂઆતના સમયમાં એક મહિનામાં વધુમાં વધુ આઠ ખરીદી થી શકશે. દરેક ટિકિટ પર સામાન્ય ટિકિટ માટે R પાંચ તથા અન્ય તમામ વર્ગો પર R દસનો દર નક્કી કરવામાં આવ્યો છે. જે આઈઆરટીસી પર બમણો છે. ભારતીય રેલવેની વેબસાઈટ www.indianrailways.gov.in પોર્ટલ પર જ આ સેવા મળશે. આ સેવા મોડી રાત્રીના 12.30 કલાકથી 11.30 કલાક સુધી મળશે. જો કે, હાલ નાણાંકીય વ્યવહારો અંગે સ્પષ્ટતા ન હોવાથી અંતિમ ઓપ આપવામાં આવ્યો નથી.  જ્યારે મોબાઇલ પર કેવી રીતે ઇટિકિટનું બુકિંગ કરી શકાશે તેની વિગતો અહીં રજુ કરવામાં આવે છે...: પ્રક્રિયા કેવી હશે:- -સુવિધા મેળવવા સ્માર્ટ ફોન હોવો જરૂરી છે. તેમજ મોબાઈલમાં ઈન્ટરનેટ પણ હોવું જોઈએ. -ટિકિટ બુક કરવાં ઇન્ડિયન રેલ્વે કેટરિંગ એન્ડ ટૂરિઝમ પર રજિસ્ટ્રેશન કરાવવાનું રહેશે. -રજિસ્ટ્રેશન બાદ રેલ્વે વિભાગ દ્વારા યુઝર આઈડી અને પાસવર્ડ આપવામાં આવશે, ત્યારબાદ મોબાઈલ ઇન્ટરનેટ વડે સાઈટ પર જઈ બુકીગ આઇકન પર ક્લિક કરો પછી, ઓનલાઈન ફોર્મ ભરવાનું રહેશે. -ફોર્મમાં નામ, એડ્રેસ, ટ્રેન નંબર, રિઝર્વેશન કલાસ, મુસાફરી તારીખ અને મોબાઈલ નંબર જેવી માહિતી ભરવાની રહેશે. -મુસાફરો ડેબિટ કાર્ડ, ક્રેડિટ કાર્ડ અથવા કેશ કાર્ડથી નાણાં ચૂકવી શકશે. -રેલવે વિભાગ એસએમએસથી ટિકિટની ઈમેજ મોકલશે. -આ ઈમેજના આધારે મુસાફર પ્રવાસ કરી શકશે. જોકે મુસાફરે પોતાનુ આઈડી પ્રૂફ સાથે રાખવાનું રહેશે. અન્ય ફાયદા -આ સુવિધાથી રેલવે ટિકિટ સિવાય રિટાયરિંગ રૂમ અને પાર્સલ પણ બુક કરી શકાશે. -ટિકિટ લેવા ઉપરાંત ટ્રેન રૂટ અને ટિકિટ ભાડું પણ જાણી શકાશે.

ઇસ્ત્રી અને કપડા ધોવાનો ધંધો કરતા-કરતા બની ગયા કરોડપતિ

મહેનતથી કરેલું કામ ક્યારેય તુચ્છ કે ખરાબ હોતું નથી. 

આની જીવતીજાગતી મિસાલ છે બેંગ્લુરુ સ્થિત કપડાં વોશ કરી આપતી 'વિલેજ લોન્ડ્રી સર્વિસીસ', જે ટૂંકમાં 'ચમક' નામે પણ ઓળખાય છે.

નામ: અક્ષય મહેરા
કંપની: વિલેજ લોન્ડ્રી સર્વિસ (ચમક)
અભ્યાસ: કોલકાતાની આઇ-આઇએમમાંથી ગ્રેજ્યુએટ
હોદ્દો: સીઇઓ
લક્ષ્ય: ૧૪૦૦ આઉટલેટ્સ સાથે વાર્ષિક ટર્નઓવર ૬૦ કરોડ રૂપિયા

વારંવાર આપણને સાંભળવા મળતું હોય છે કે આપણા દેશમાં બેકારીનું પ્રમાણ વધતું જાય છે. આનો અર્થ એવો નથી કે આપણા દેશમાં કામધંધાની તંગી છે. ઓછું ભણતર અને ઓછા મૂડીરોકાણથી પણ વેપાર તો થઇ જ શકે, પણ કદાચ આપણે લોકો જ તેને નાનું અથવા ઊતરતી કક્ષાનું કામ માનીને મોઢું મચકોડતા હોઇએ છીએ. એમ તો આપણી નજર સામે એવાંય કેટલાં બધાં ઉદાહરણ છે કે જેમણે વેપારક્ષેત્રે નવો ચીલો ચાતર્યો છે.

તેમની સફળતાનું કારણ વેપાર-ઉદ્યોગ પ્રત્યે તેમની અલગ વિચારસરણી જ કહી શકાય. મહેનતથી કરેલું કામ ક્યારેય તુચ્છ કે ખરાબ હોતું નથી. આની જીવતીજાગતી મિસાલ છે બેંગ્લુરુ સ્થિત કપડાં વોશ કરી આપતી 'વિલેજ લોન્ડ્રી સર્વિસીસ', જે ટૂંકમાં 'ચમક' નામે પણ ઓળખાય છે. આપણા દેશમાં કપડાં ધોવડાવવા પાછળ લોકો વર્ષે ૩,૦૦૦ કરોડ રૂપિયા ખર્ચી કાઢે છે. બોલો, આ જાણીને તમારી આંખોય પહોળી થઇ ગઇ છે.

ભય અને ચિંતામાંથી જન્મી વિલેજ લોન્ડ્રી સર્વિસ

બીજો આંચકો તમને કદાચ એ જાણીને લાગશે કે 'ચમક'ના સંસ્થાપક હરિ નાયર અને અક્ષય મહેરા એવા શિક્ષિત યુવાનો છે કે જેમણે ૨૪ વર્ષ સુધી એફએમસીજીના માર્કેટમાં મોટી જવાબદારી સંભાળી છે. વિલેજ લોન્ડ્રી સર્વિસીસના સીઇઓ અક્ષયે કોલકાતાની આઇઆઇએમમાંથી સ્નાતકની ડિગ્રી મેળવી છે. એક ઇન્ટરવ્યૂમાં અક્ષયે કહ્યું છે, 'મારા જેવા ઘણા યુવાનોને મેં બેંગ્લુરુના આઇટી સેક્ટરમાં જોયા કે જેઓ સામાન્ય વાતે ખૂબ જ ચિંતાતુર હતા, મૂંઝવણમાં હતા. આ નાનકડી વાત એ હતી કે પાંચ દિવસ સતત કામમાં વ્યસ્ત રહ્યા બાદ રજાના દિવસે તેમણે પોતાનો ધોબીઘાટ કાઢવો પડતો.

આમ, રજા અને મજાના દિવસે પોતાનાં કપડાં ધોવાને કારણે રજાની મજા જ બગડી જાય છે. એમ તો આપણા દેશમાં ગલી-મહોલ્લામાં એક ધોબી અચૂક હોય જ છે કે જેઓ ઓછા રૂપિયામાં કપડાં ધોઇ પણ આપે ને પ્રેસ પણ કરી આપે, પણ મનમાં એ ડર તો રહે જ કે ક્યાંક મોંઘાં ને બ્રાન્ડેડ કપડાં તેમનાથી ખરાબ થઇ જશે તો! જોકે ડ્રાયકલીનર્સ છે, પણ તેઓ મોઢું ફાડીને રૂપિયા લે છે. આ અનુભવ પછી મેં રોડસાઇડના ધોબી અને ડ્રાયકલીનર્સ વચ્ચેની ખૂટતી કડી સાંધી. આખરે મેં સારો ડિટર્જન્ટ અને મોડર્ન મશીનોનો ઉપયોગ કરી વાજબી કિંમતે લોન્ડ્રીના આઉટલેટ્સ ખોલવાનો નિર્ણય લીધો. આ નિર્ણયને અમલમાં મૂકતાં જ ૨૦૦૮માં 'વિલેજ લોન્ડ્રી સર્વિસ'ની સ્થાપના થઇ.

પ્રોફેશનલ ચમક

અક્ષય મહેરાએ 'ઇન્નોસાઇટ વેન્ચર્સ એન્ડ કાલવર્ટ ઇન્વેસ્ટમેન્ટ' દ્વારા મૂડી એકઠી કરી ફ્રેન્ચાઇઝીનું આઉટલેટ શૃંખલા 'ચમક'ની સ્થાપના કરી. સામાન્ય ધોબી જે કામ કરે છે એ જ કામ કરવાની 'ચમક'ની રીત તદ્દન પ્રોફેશનલ છે. એટલે કે કપડાં ધોવા માટે ફ્રન્ટ લોડિંગ વોશિંગ મશીન, વોટર એક્સટ્રેકટ્સ, ડ્રાયર્સ, ડ્રાયકલીનિંગ મશીન તેમ જ ફિનિશિંગ જેવાં ઉપકરણોનો ઉપયોગ કરે છે. વળી, કપડાં ધોવા માટે બિનહાનિકારક ડિટર્જન્ટ જ વાપરે છે.

એટલું ખરું કે ગલી-મહોલ્લાની લોન્ડ્રીઓ કરતાં ચમકનો દામ થોડો વધારે છે, પણ હાઈ એન્ડ ડ્રાયકલીનર્સ ઓછા ભાવે કરી આપે છે. ચમક નંગ દીઠ નહીં, પણ કિલોના ૬૦ રૂપિયાના ભાવે કિંમત વસૂલે છે. ૬૦ રૂપિયામાં અંદાજે ૧૦ શર્ટ-પેન્ટ ધોવાઇને ઇસ્ત્રીટાઇટ થઇ જાય. ગ્રાહકોને આવવા-જવાની ઝંઝટમાંથી મુક્તિ મળે એ માટે ચમક એસએમએસ અને મોબાઇલથી બિલિંગ કરે છે.

ચમક આઉટલેટ્સનો ફેલાવો કરવાની પણ અક્ષયે સારી રીત શોધી કાઢી છે. સૌ પ્રથમ તો ૬ બાય ૬ ફૂટનો આકાર હોવાથી આ આઉટલેટ ગમે ત્યાં ખોલી શકાય છે. જેમ ગલીમાં લોન્ડ્રીની દુકાન હોય છે. બિલકુલ એ જ રીતે ચમક આઉટલેટ્સને ફ્રેન્ચાઇઝીના આધારે વિસ્તારવામાં આવી છે. અક્ષય મહેરા અને તેમની ટીમ ઓછું ભણતર ધરાવતા યુવાનોને ટાર્ગેટ કરે છે, તેમને ટ્રેનિંગ આપે છે અને તેમની આઉટલેટ્સની કામ કરવાની રીત પર નિયમિત ધ્યાન આપે છે.

અક્ષયની કાર્ય કરવાની આ પદ્ધતિ જ તેમને સફળતા અપાવવામાં મદદરૂપ બની. આ જ કારણે એક વર્ષમાં અક્ષય મહેરાએ બેંગ્લુરુ અને મૈસૂરમાં બે ડઝન આઉટલેટ્સ ખોલ્યા. ગ્રાહકોનો રિસ્પોન્સ અને ફ્રેન્ચાઇઝીના આધારે ચમકનું સંચાલન કરવામાં રસ ધરાવતા યુવાનોની સંખ્યાના આધારે અક્ષયને એટલો તો ભરોસો છે કે ત્રણ વર્ષમાં દેશભરમાં ૧૦૦૦ કરતાં વધારે લોન્ડ્રીના આઉટલેટ્સ થઇ જશે.

અક્ષય મહેરાએ રોડ સાઇડ લોન્ડ્રીના વેપારથી યુવાનોને ઓછા મૂડીરોકાણે અને ઓછા ભણતરે સારી કમાણી કરવાનો મોડર્ન ઉપાય બતાવ્યો છે. ચમકનું સંચાલન કરતા મની, શંકર, સંવત, મંજુનાથ કહે છે કે પહેલાં તો તનતોડ મહેનત કરવા છતાં ઓછા પગારને કારણે દુ:ખી હતા, પણ આજે સારો પગાર મેળવીએ છીએ અને જે કારણે લોકો નાનું કે ઊતરતી કક્ષાનું માને છે એ કામ કરીને અમે માન પણ મેળવીએ છીએ.

(લેખક જાણીતા કોર્પોરેટ ઈતિહાસકાર છે)

prakashbiyani@yahoo.co.in