ઇન્ટરનેટના
આ સમયમાં એવા અનેક આઇડિયા છે જે તમને ઘરે બેઠા કમાણી કરી શકે છે. આવો જ એક
આઇડિયા છે જેમાં તમે માત્ર 99 રૂ.માં ઘરે બેસીને લાખો રૂ.ની કમાણી કરી શકો
છો. આ બિઝનેસ બહુ સરળ છે અને ઇન્ટરનેટના માધ્યમથી કરી શકાય છે. આવો જ એક
બિઝનેસ છે ઇન્ટરનેટ પર ડોમેનના રજિસ્ટ્રેશનનો. છેલ્લા કેટલાક સમયમાં
દુનિયામાં વેબસાઇટ બનાવવાનો બિઝનેસ બહુ ચાલ્યો છે અને દરેક વ્યક્તિ પોતાની
વેબસાઇટ બનાવવા માગે છે. જોકે વેબસાઇટ બનાવતા પહેલાં એક ડોમેન બુક
કરાવવાનું હોય છે જેનો ઓછામાં ઓછો ખર્ચ 99 રૂ. છે. જોકે એ માટે એક જ શરત છે
કે તમારે જે નામથી વેબસાઇટ બનાવવી હોય તેને ડોમેન ઉપલબ્ધ હોવું જોઈએ. બસ, આ
શરત જ કમાણીનો મોટો રસ્તો બની શકે છે.હાલમાં નોઇડાની એમિટી ઇન્ટરનેશનલ સ્કૂલમાં ભણતા 13 વર્ષના અક્ષિત મિત્તલે 'ઓડઇવન ડોટ કોમ' નામનું ડોમેન રજિસ્ટર કરાવ્યું હતું જે એક ટેક્સી ચલાવતી કંપનીને 30 લાખ રૂ.માં વેચ્યું હતું. આ સિવાય 2012માં કેટલાક આઇટીના વિદ્યાર્થીઓએ હાઉસિંગ ડોટ કોમ નામનું ડોમેન રજિસ્ટર કરાવ્યું હતું. આ ડોમેનને 3 કરોડ અને 36 લાખ રૂ.માં એક હાઉસિંગ પોર્ટલને વેચવામાં આવ્યું હતું. 2013માં થયેલો આ સોદો સૌથી મોંઘો ગણાય છે.
આ ડોમેન બુક કરાવવું બહુ જ સરળ છે અને અનેક વેબસાઇટના માધ્યમથી બુક કરાવી શકાય છે. આ વેબસાઇટ્સમાં in.godaddy.com, bigrock.in, domain.com, registerdomainsindia.com મુખ્ય છે. આ બુક કરાવવાની પ્રોસિજર 99 રૂ.થી 599 રૂ. સુધીની હોય છે જેના પર ટેક્સ કે અન્ય ચાર્જ લાગતા ઓનલાઇન 125 રૂ.થી માંડીને 900 રૂ. સુધીની ચુકવણી કરી શકાય છે.
by http://sandesh.com